Abin Meyangbo
राष्ट्रिय जनमुक्ति पार्टी केन्द्रिय समितीको महासचिव टोप अस्लामीले एक बिज्ञाप्ती जारी गर्दै देशलाई अग्रगमनको बाटोमा अगाडि बढाउन प्रतिबद्ध लोकतान्त्रिक शक्तिहरू यथाशिघ्र गोलबन्द हुन आवश्यक भएको बताउनुभएको छ।
प्रेस विज्ञप्ति
देशमा विकसित भईरहेको घटनाक्रम बारे राष्ट्रिय जनमुक्ति पार्टी निम्न अनुसारको आफ्नो धारणा स्पष्ट पार्न चाहन्छ :-
१) लामो संघर्ष, आन्दोलन र बलीदानी पश्चात् प्राप्त संघीयता, गणतन्त्र, धर्म निरपेक्षता, समावे शिता सहितका उपलब्धीहरुलाई जोगाउदै र त्यसलाई अझ परिष्कृत गर्दै भावी गन्तव्य तय गर्नु नै हाम्रो राष्ट्रिय कार्यनीति हुनु पर्दछ । सत्ता सञ्चालनमा रहेका शक्ति र पात्रहरुको असक्षमता र निकम्मापनको विकल्प यो व्यवस्थाको अन्त्य वा प्रतिगमन होईन र हुनै सक्दैन । अतः हालसम्म प्राप्त उपलब्धीहरु जोगाउँदै, ब्यवस्थामा रहेका कमीकमजोरीलाई सच्याएर देशलाई अग्रगमनको बाटोमा अगाडि बढाउन प्रतिबद्ध लोकतान्त्रिक शक्तिहरू यथाशिघ्र गोलबन्द हुन आवश्यक भएको छ ।
२) राजतन्त्रका समर्थकहरूको नाममा मिति २०८१ चैत्र १५ गते काठमाडौँमा भएको प्रदर्शन र त्यसबाट सृजित अराजक एवं हिंसक घटनाक्रम दुःखद र चिन्ता जनक रहेको छ । यसमा राज्य पक्ष र आन्दोलनरत पक्ष दुबै जवाफदेही हुनुपर्दछ । सो घटनाको निष्पक्ष छानविन र दोषी उपर कारवाही गर्न र पीडितहरुलाई यथाशिघ्र उचित क्षतिपूर्ति एवं राहतको माग गर्दछौं । साथै यस घट्नामा परी ज्यान गुमाउने मृतकहरु प्रति हार्दिक श्रदाञ्जली अर्पण गर्दछौं ।
नीलोपाटी संवाददाता
नीलोपाटी संवाददाता