Abin Meyangbo
दिपेश श्रेष्ठ,काठमाडौं । म्यानमारमा अन्तिम पटक २०२५ मार्च २८ मा ७.७ म्याग्निच्युडको शक्तिशाली भूकम्प गएको थियो, जसको केन्द्र म्यानमारको दोस्रो ठूलो सहर मन्डले नजिकै थियो।
यो भूकम्प म्यानमारको इतिहासमा एक शताब्दीयताकै सबैभन्दा शक्तिशालीमध्ये एक मानिएको छ। यस भूकम्पबाट हालसम्म ३,७३५ जनाको मृत्यु भएको छ भने,५,१०८ जना घाइते भएका छन्, र १२० जना अझै बेपत्ता छन् । भूकम्पले म्यानमारका छ वटा क्षेत्रहरूमा व्यापक क्षति पुऱ्याएको छ, जसमा राजधानी नेप्यिडो पनि समावेश छ।
यसले ६५,००० भन्दा बढी संरचनाहरू, जस्तै घर, विद्यालय, धार्मिक स्थल, अस्पताल, र सडकहरू ध्वस्त पारेको छ।
यस भूकम्पले म्यानमारको पहिले नै जटिल मानवीय संकटलाई अझ गम्भीर बनाएको छ, जहाँ ३ मिलियनभन्दा बढी मानिसहरू विस्थापित भएका छन् र लगभग २० मिलियन मानिसहरूलाई सहयोग आवश्यक छ।
यस दुखद परिस्थितिमा अन्तर्राष्ट्रिय सहयोग प्रयासहरू जारी छन्, तर निरन्तर परकम्पहरू, संसाधनहरूको अभाव, र आसन्न मनसुन मौसमले उद्धार र पुनर्निर्माण कार्यहरूमा चुनौतीहरू थपेका छन्।
यसै सिलसिलामा नेपालमा रहेकाे ख्रीष्टियन संघ संस्थाहरुकाे अगुवाइमा नेपालका लागि म्यानरका महामहिम राजदुत म्याे मिन्ट मङ्ग
लाई नेपालका लागि म्यानमारकाे दुतावास ललितपुर स्थित भैँसेपाटीमा भेट गरि राहत सहयाेगकाे निमित्त केही रकमकाे चेक तथा नगद हस्तान्तरण गरेका छन्।
उक्त राहत सहयाेग हस्तान्तरणमा संयुक्त राष्ट्रिय नेपाली चर्च परिषदकाे अगुवाइमा नेपाल ख्रीष्टियन समाज, राष्ट्रिय ख्रीष्टियन
महासंघ नेपाल, नेपाल राष्ट्रिय मण्डलि सङ्गती, राष्ट्रिय गिर्जाघर नेजि गुठि लगाएतकाे संघ संस्थाहरु थिए भने नेपाल ख्रीष्टियन राहत सेवाद्वारा साे राहत सङ्कलन गरिएकाे थियाे।
नीलोपाटी संवाददाता