नीलोपाटी संवाददाता
सुरेन्द्र खरेल/पाँचथर
मध्यपहाडी लोकमार्ग अन्तर्गत थर्पु–च्याङथापु सडक खण्डमा जेठ ८ गते राति आएको अविरल वर्षापछिको बाढीले ओयाम खोला, रिजाल भीर, फलाम खोला र दोभाने लगायतका क्षेत्रमा ठूलो क्षति पुर्याएको थियो।
करिब ७ दिनपछि स्थानीयवासी, प्रहरी प्रशासनको सहयोगमा रोशन निर्माण सेवा प्रा.लि.ले थर्पु–दारिम्बादेखि दोभानेसम्म सडक सञ्चालनमा ल्याएको रोशन निर्माण सेवाका साइट इन्चार्ज सुमन काफ्लेले जानकारी दिनुभएको छ।
२०८३ जेठ ८ गते राति आएको बाढीले मध्यपहाडी लोकमार्ग अन्तर्गत थर्पु–च्याङथापु सडक खण्डमा ठूलो क्षति पुर्याएको थियो।
याङवरक–२ दोभाने क्षेत्रमा पुल नहुँदा आवतजावतमा अझै समस्या हुने देखिएको छ। दोभाने खोलामा डाइभर्सन निर्माण गरी छिट्टै यातायात सहज बनाउन आवश्यक देखिन्छ।
