नीलोपाटी संवाददाता
मोरङ,१७ पुष । मोरङबाट २० बर्ष कैद सजाय तोकिएका फरार प्रतिवादी पक्राउ परेका छन् ।
पक्राउ पर्नेमा मोरङ मिक्लाजुङ गाउँपालिका वडा नं. ५ बस्ने ४६ बर्षिय डि.वि. भन्ने डिग बहादुर राई रहेका छन् ।
कर्तव्य ज्यान मुद्धामा मोरङ जिल्ला अदालतको मिति २०७३/१२/२७ गतेको फैसलाले २० बर्ष कैद सजाय तोकिएका प्रतिवादी राई बिगत ९ बर्षदेखि फरार रहेका थिए ।
निजलाई गत पुष १६ गते जिल्ला प्रहरी कार्यालय मोरङबाट खटिएको प्रहरी टोलीले लुकिछिपी बसेको अवस्थामा घर वतनबाटै पक्राउ गरी आवश्यक कारवाहीको लागि मोरङ जिल्ला अदालतमा बुझाईएको जिल्ला प्रहरी कार्यालय मोरङले जनाएको छ ।
