नीलोपाटी संवाददाता
राज याक्खा,
ताप्लेजुङ, सिदिङवा गाउँपालिका–५मा आज लैङ्गिक हिंसा विरुद्धको १६ दिने राष्ट्रिय अभियानको अवसर पारेर बिशेष कार्यक्रम सम्पन्न गरिएको छ। गाउँपालिका अध्यक्ष तथा उपाध्यक्षज्यूहरूको प्रमुख उपस्थितिमा सम्पन्न सो कार्यक्रमले समाजमा बढ्दै गएको लैङ्गिक हिंसाका विविध रूपहरूविरुद्ध सामूहिक चेतना जगाउने तथा जेष्ठ नागरिकप्रति कृतज्ञता प्रकट गर्ने उद्देश्य बोकेको थियो।
कार्यक्रममा वक्ताहरूले लैङ्गिक हिंसा उन्मूलनका लागि स्थानीय तह, समुदाय र परिवार सबै स्तरबाट समान रूपमा जिम्मेवारी बाँड्नुपर्नेमा जोड दिए। महिलाको सुरक्षित जीवन, समान अधिकार, सम्मान र स्वाभिमान सुनिश्चित गर्ने अभियन्ता तथा संस्थाहरूले १६ दिने अभियानलाई अवसरका रूपमा उपयोग गरेर विभिन्न जनचेतनामूलक गतिविधि सञ्चालन गरिरहेका छन्।
सोही अवसरमा वडा क्षेत्रमा समाजका स्तम्भ मानिने जेष्ठ नागरिकहरूलाई विशेष सम्मान प्रदान गरिएको थियो। उनिहरूको जीवन अनुभव, योगदान र मार्गदर्शनले अहिलेको पुस्तालाई समाजका लागि जिम्मेवार बन्न प्रेरित गर्ने कार्यक्रमका सहभागीहरूले बताए।
गाउँपालिका अध्यक्षले लैङ्गिक हिंसा रहित समाज निर्माणका लागि स्थानीय सरकार निरन्तर प्रतिबद्ध रहेको उल्लेख गर्दै आगामी दिनमा अझ प्रभावकारी कार्यक्रम ल्याइने आश्वासन दिए। त्यस्तै, उपाध्यक्षले जेष्ठ नागरिकमैत्री सेवा, स्वास्थ्य तथा संरक्षणमा गाउँपालिकाको प्राथमिकता निरन्तर रहने कुरा बताए।
समुदायको सक्रिय सहभागितासहित सम्पन्न भएको यो कार्यक्रम सिदिङवा–५ मा लैङ्गिक समानता, सामाजिक न्याय र वरिष्ठ नागरिकप्रति सम्मानको संस्कारलाई थप सुदृढ बनाउने महत्वपूर्ण कदमका रूपमा लि
इएको छ।
