नीलोपाटी संवाददाता
राज याक्खा,
पाँचथरको याङवर गाउँपालिका वार्ड नं ३ ओयाम पुछारमा आयोजना भएको बाला चतुर्दशी मेला–२०८२ अन्तर्गतको महिला फुटबल प्रतियोगितामा समृद्ध सिदिङवा नागरिक एकता समाज महिला फुटबल टिम विजेता बनेपछि, संस्थाले टिमले जितेर ल्याएको सिल्ड आज औपचारिक गरी सिदिङवा गाउँपालिकालाई समृद्ध सिदिङ्वा नागरिक एकता समाज महिला फुटबल टिम क्याप्टेन प्यारी कला इधिङ्गो को हातबाट पालिकालाई हस्तान्तरण गरेको थियो।
हस्तान्तरण कार्यक्रममा संस्थाका तर्फबाट सचिव कृष्ण गौतम संस्थाका सहसचिव तथा खेलकुद संयोजक सागर गौतम लगायत खेलाडीहरु उपस्थित रहेका थिए। पालिकातर्फबाट गाउँपालिका अध्यक्ष मानबहादुर राई, वडाध्यक्ष अमर इदिङ्गो प्रमुख प्रशासकीय अधिकृत दिपेन्द्र अधिकारी सहभागी भएको थियो।
संस्थाले सिदिङवा गाउँपालिकाका विभिन्न सबै वडाका खेलाडीहरूलाई समेटेर पहिलो पल्ट खेलमा सहभागी गराएको थियो। आउने दिनहरूमा पनि संस्थाले नयाँ खेलाडीहरूलाई प्रोत्साहन गर्दै खेलाडीहरू उत्पादन गर्ने संस्थाले जनाउँदै आएको छ। आगामी दिनहरूमा पनि यसरी नै पालिकालाई सम्मान, पुरस्कार तथा हासिल भएका उपलब्धिहरू सामूहिक रुपमा हस्तान्तरण गर्ने अठोट संस्थाले व्यक्त गरेको छ।
