नीलोपाटी संवाददाता
बिर्तामोड नगरपालिका हिजो एक विज्ञप्ति मार्फत नेपाल प्रेस नामक न्युज पोर्टलले प्रकाशित गरेको समाचारलाई ‘तथ्यहिन र भ्रामक’ भएको बताउँदै खण्डन गरेको छ। नगरपालिका प्रमुखले विज्ञप्तिमा लेखा शाखा प्रमुख तेजेन्द्र तामाङ र शिक्षा शाखाका प्रमुख तिलचन भण्डारी विरुद्धको समाचारलाई ‘बदनियतपूर्ण’ र ‘झूटा आरोप’ लागेको बताएका छन्।
उक्त समाचारको शिर्षक “बिर्तामोड नगरपालिकाको लेखा प्रमुखको आतङ्क: मेयर र हाकिमलाई हप्कीदप्की, सहकर्मीलाई दुर्व्यवहार” भनेको तथ्यविहीन भएको र नगरपालिकाले यस्तो कुनै घटनाको पुष्टि नगरेको विज्ञप्तिमा उल्लेख छ। विज्ञप्तिमा नगरपालिकाले नागरिकलाई सत्य तथ्य बुझेर मात्र सूचना सम्प्रेषण गर्न अनुरोध गरेको छ।
नगरपालिकाले स्पष्ट पारेको छ कि कुनै पनि आधिकारिक बिषयवस्तु लेख्दा सम्बन्धित अधिकारीसँग सत्यतथ्य बुझेर मात्र लेख्न आग्रह गरेको छ। यस प्रकारको भ्रामक समाचारले कर्मचारीहरूको प्रतिष्ठामा नकारात्मक प्रभाव पारेको र यसको कडा विरोध गरिएको छ।
यस विज्ञप्ति मार्फत, बिर्तामोड नगरपालिकाले साँचो तथ्यको प्रचार-प्रसार गर्न सबैलाई आग्रह गरेको छ।
Alan Adhikari