नीलोपाटी संवाददाता
फिदिम, पाँचथर — फिदिम खानेपानी उपभोक्ता समितिले हाल वैकल्पिक पानीको स्रोतमार्फत पानी वितरण गरिरहेको छ। आप्तेवा खोला हुँदै आउने मुहानमा आएको बाढी र पहिरोले पाइपलाइनलाई क्षति पुर्याएपछि, उपभोक्ताहरूलाई पानीको अभाव भइरहेको छ।
फिदिम खानेपानीको लाइन अबरुद्ध भएको छ, जसका कारण अतिरिक्त खर्च बोक्नुपरेको र बजेटको अभावले समस्यामा थप गहिराइ आएको अध्यक्ष प्रकाश गुरुङले जानकारी दिए।
फिदिम नगरपालिका वडा नम्बर १, २ र ४ का २,६३३ घरधुरीलाई नौ स्थानका खोलाबाट पानी ल्याएर सेवा दिइँदैछ। तर, खोलाका स्रोतहरू सुक्न थालेपछि समस्या झन् गम्भीर हुँदै गएको छ।
अहिलेको ४ लाख ५० हजार लिटर क्षमताको रिजर्व ट्यांकीलाई २४ लाख ५० हजार लिटरमा विस्तार गर्ने योजना बनाइएको छ, र यसका लागि ३० लाख रुपैयाँमा १२ आना जग्गा किन्ने निर्णय भएको छ।
गत तिहारमा गरिएको देउसी भैलो कार्यक्रममा संकलित ८ लाख १९ हजार रकमले मुहान र जग्गा खरिदको प्रक्रिया अगाडि बढेको छ।
हालको कार्यसमितिले ७ वटा नयाँ मुहान थप गर्दै २४ घण्टा पानी वितरणको लागि परीक्षण गरिरहेको छ। १७ वर्षपछि बनेको नयाँ कार्यसमितिले पानीको महशुल पनि घटाएको छ।
फिदिम नगरमा पानी वितरणमा २,६३३ घरधुरीको आवश्यकता पूरा हुँदै आइरहेको
