नीलोपाटी संवाददाता
काठमाडौं – एकातिर, नेपाली महिला फुटबल टोलीले हालै सम्पन्न साफ महिला च्याम्पियनसिपमा उपविजेता बनेर देशभरबाट बधाई र प्रशंसा पाउँदै छ। तर, अर्कोतिर, नेपाली महिला फुटबलकी समर्पित खेलाडी कमला श्रेष्ठ क्यान्सरजस्तो घातक रोगसँग लडिरहेकी छिन् र आफ्नो उपचारका लागि सहयोगको अपिल गरिरहेकी छिन्।
पूर्वी नेपालको मोरङ जिल्लामा सक्रिय रहँदै स्थानीय फुटबल प्रतियोगितामा खेलिरहेकी कमला हाल क्यान्सरका कारण थला परेकी छन्। उपचारमा लाखौं रुपैयाँको खर्च लाग्ने देखिएको छ भने उनको परिवारको आर्थिक अवस्था कमजोर छ। त्यसैले, उनले समग्र फुटबलप्रेमीहरू र समाजका सहयोगी मनहरूसँग आफ्नो उपचारका लागि आर्थिक सहयोगको अपिल गरेकी छन्।
कमलाको उपचारमा सहयोग गर्न चाहने व्यक्तिहरूका लागि गोलनेपालको तर्फबाट ५००० रुपैयाँ सहयोग गरिएको छ र अन्य फुटबलप्रेमीहरूलाई पनि सहयोगको अपिल गरिएको छ। इच्छुक सहयोगीहरूले निम्न बैंक विवरणमा सहयोग गर्न सक्नुहुन्छ:
कमला श्रेष्ठ
खाता नम्बर: 0845753079092001
बैंक: एनआईसी एसिया बैंक
कमलाको स्वास्थ्य लाभको कामना गर्दै, फुटबलप्रेमी समुदायलाई सहयोगका लागि आह्वान गरिएको छ।
Goalnepal बाट सहयोग को अपिल गरिएको छ ( साभार )
