नीलोपाटी संवाददाता
इलम – माईजोगमाई गाउँपालिका-१ शंखाबुङको आयोजनामा शंखाबुङ युथ क्लबद्वारा कार्तिक १२ गतेदेखि खुला नकआउट पुरुष फुटबल प्रतियोगिता सञ्चालन हुने भएको छ। यो प्रतियोगिता शुभ दिपावलीको अवसरमा आयोजना गरिएको हो।
प्रतियोगिता प्रत्येक वर्ष आयोजना हुँदै आएको छ, र यस वर्ष पनि शारदा आधारभूत विद्यालयको खेल मैदानमा खेल हुने भएको छ। खेल सेभेन साइडमा हुनेछ, र सहभागी टिमहरूको दर्ता कार्तिक १० गतेसम्म खुला गरिएको छ।
प्रतियोगिताको फाइनल विजेताले नगद ५० हजार रुपैयाँ, आकर्षक ट्रफी, मेडल, र प्रमाणपत्र प्राप्त गर्नेछ। उपविजेताले नगद ३० हजार रुपैयाँसहित ट्रफी, मेडल, र प्रमाणपत्र पाउनेछ। साथै, उत्कृष्ट खेलाडी, डिफेन्स, र गोलकिपरलाई पनि पुरस्कार प्रदान गरिने आयोजकले जानकारी दिएको छ।
