नीलोपाटी संवाददाता
अजेन्द्र वाईबा तामाङ
पाँचथर भदौ ३०
पाँचथरको फिदिम नगरपालिका ४ निबासी एक महिलालाई क्यान्सरको उपचार गर्न २ लाख १९ हजार आर्थिक सहयोग गरेकाे छ ।
फिदिम ४ गडि निबासी १६ वर्षीय बिपसा खबासकाे घाटिकाे ब्लड क्यान्सरबाट पीडित भई हाल ललितपुर क्यान्सर अस्पतालमा उपचार भई रहेको छ ।
आर्थिक अवस्था कमजोर भएका कारण फिदिम ४ निबासी हाल युकेमा रहेका नेपालीले रकम संकलन गरेर उहाँलाई हस्तान्तरण गरेको हो ।
उहाँको उपचार सहयोगार्थ युकेमा सुनु तुम्बापाे गुरुङ र सुक प्रसाद लिङ्देन काे पहलमा २ लाख १४ हजार र सुडान निबासी निवन तुम्बापाे बाट ५ हजार गरेर जम्मा २ लाख १९ हजार फिदिम नगरपालिका वाड अध्यक्ष उपेन्द्र लाउति र समाजसेवी दिल कुमारी तुम्बापाेका उपस्थितिमा साे रकम खबासलाई हस्तान्तरण गरिएको हो ।
उक्त रकम पाएपछि सम्पुर्ण सहयोगीहरुलाई बिपसा खबासकाे हजुरबुबा मान बहादुर खबासले धन्यवाद ब्यक्त गरेका थिए।
