नीलोपाटी संवाददाता
राज याक्खा,
१८औँ अन्तर्राष्ट्रिय आमन्त्रित आत्मानन्द गोल्डकप–२०८२ को पहिलो सेमिफाइनलमा श्रीजङ्गा स्पोर्टिङ क्लबले दुधे युथ क्लबलाई २–१ ले पराजित गर्दै फाइनल पुगेको छ। खेलको १६औँ मिनेटमा दुधेका निमा लामाले पहिलो गोल गरे। त्यसपछि ४५औँ मिनेटमा श्रीजङ्गाका सञ्जय धिमालले बराबरी गोल फर्काए। खेलको ५५औँ मिनेटमा आएको दोस्रो गोलले श्रीजङ्गालाई निर्णायक जित दिलायो। आजको ‘म्यान अफ द म्याच’ श्रीजङ्गाका सौरभ सुब्बा बने।
अघिल्लो वर्षका च्याम्पियन दुधे युथ क्लब यसपटक सेमिफाइनलमै रोकिएको छ।
यस्तै, गोल्डकपको छैटौँ दिन सम्पन्न शिक्षक–स्तरीय मैत्रीपूर्ण फुटबलमा चुलाचुली गाउँपालिकाले चारवटै पालिकालाई पछि पार्दै उपाधि जितेको छ।प्रतियोगिता मङ्सिर ७ गतेबाट जारी भने फाइनल मङ्सिर १७ गते हुने आयोजकले बताइएको छ।
