नीलोपाटी संवाददाता
राज याक्खा,
ताप्लेजुङको,सिदिङ्वा गाउँपालिका–३ थुङरुम्बामा अवस्थित श्री नव शताब्दी प्रगतिशील युबा परिवार, जो २०५७ सालमा स्थापना भएको हो, स्थानीय विकास तथा समाजसेवामा सक्रिय रूपमा संलग्न रहँदै आएको छ। २०८२ सालको दीपावलिमा संस्थाका युवाहरूले परम्परागत देउसे नाच आयोजना गरी संकलित रकमबाट क्लब मात्र नभई सिङ्गो सिदिङ्वा गाउँपालिकालाई उपयोगी हुने ध्वनि प्रणाली (Sound System) सफलतापूर्वक खरिद गरेको छ।
ध्वनि प्रणाली स्थानीय सामाजिक, सांस्कृतिक तथा अन्य सार्वजनिक कार्यक्रमहरूमा महत्वपूर्ण आवश्यकता रहेकाले यसले सम्पूर्ण समुदायलाई प्रत्यक्ष लाभ पुर्याउने विश्वास संस्थाले व्यक्त गरेको छ।
संस्थामा हाल ४० भन्दा बढी सदस्यहरू सक्रिय रहेका छन् र आगामी दिनहरूमा अझै प्रभावकारी रूपमा समाजसेवा र समुदाय विकासमा योगदान पुर्याउने लक्ष्य राखिएको छ।
देउसे नाचमा सहभागी भई आर्थिक तथा नैतिक रूपमा साथ दिने सहयोगी दाता, स्थानीयवासी तथा शुभेच्छुकहरूलाई संस्थाले हार्दिक धन्यवाद दिएको छ।
