नीलोपाटी संवाददाता
– सुरेन्द्र खरेल काजी
५० वर्षअगाडि बनाइएका पुल आज पनि जीवनका पाइलाहरू बोकेर उभिएका छन्, तर नयाँ पुस्ताका पुलहरू बाढीको पहिलो हिलोसँगै ढल्छन्। त्यो केवल संरचनाको हार होइन, सोचको पतन हो।
अबका पुलहरू इस्टिमेट र कमिसनको तालमेलमा जन्मिन्छन्—नक्शा कागजमा बलिया, तर व्यवहारमा भुसको घरझैँ। पानी नआउँदा गर्व गर्छन्, पानी आयो कि सम्झौता गर्छन्।
मेची करिडोरको बेलासे पुल एक दिनको वर्षाले भाँचियो। त्यसले केवल काँक्रो र बालुवा बगाएको होइन, हाम्रो प्रणालीको इज्जत पनि बगायो।
पुल ढलेको होइन, ढलेको त नैतिकता हो।
निर्माणको नाममा कमिशन बाँड्ने मानसिकता नै देशको सबैभन्दा कमजोर संरचना हो।
