नीलोपाटी संवाददाता
सुरेन्द्र खरेल काजी
इलाम–पाँचथरको सिमानामा अवस्थित राके बजार, जो विगतमा सदैव व्यस्त रहन्थ्यो, अहिले क्रमशः सुनसान बन्दै गएको छ। मेचि राजमार्गसँगै जोडिएको र ताप्लेजुङ हुँदै पाथिभरा मन्दिर पुग्ने मुख्य मार्गमा पर्ने भएकाले यो बजार वर्षौंसम्म यात्रुहरूको अविरल ओहोरदोहोरले जीवन्त रहँदै आएको थियो।
राके बजारमा स्थानीय उत्पादन — अकबरे खुर्सानी, घिउ, छुर्पी, ललिपपजस्ता घरायसी वस्तुहरू — बिक्री गर्ने परम्परा पुरानै हो। ती सामानहरू पाथिभरा दर्शन गरेर फर्किने यात्रुहरूको कोसेलीका रूपमा प्रख्यात थिए। तर पछिल्ला वर्षहरूमा यात्रु संख्या घटेसँगै बजारको रौनक पनि हराउँदै गएको स्थानीयहरूको भनाइ छ।
व्यापारीहरू भन्छन्, “पहिले बिहानदेखि बेलुकासम्म भीड लाग्थ्यो, अहिले कहिलेकाहीँ दिनभरमा एकाध ग्राहक आउँछन्।”
राके बजार सुस्त बन्दै जानुको एक मुख्य कारण तमोर करिडोर मार्गको विस्तार र प्रयोग भएको जनाइएको छ। यात्रुहरू वैकल्पिक बाटो रोज्न थालेपछि यहाँको व्यापारिक गतिविधि घटेको र यसले 
साना व्यापारीदेखि होटल व्यवसायीसम्म प्रभावित बनेका छन्।
Alan Adhikari