नीलोपाटी संवाददाता
२०८१ सालको मिति १२ गते बिहान ५:०० बजे झापाको शिवसताक्षी नगरपालिका वडा नं. १ स्थित कमल पुल नजिकै पश्चिमबाट पूर्वतर्फ आउँदै गरेको प्रदेश १-०१-००१ च ८२२१ नम्बरको बोलेरो पिकअप र विपरीत दिशाबाट जाँदै गरेको मे ६ प २५१४ नम्बरको मोटरसाइकल आपसमा ठक्कर खाई दुर्घटनामा परे। दुर्घटनामा मोटरसाइकल चालक ललित बहादुर थापा (उमेर लगभग ३५/४० वर्ष) घाइते भए।
घाइते ललित बहादुर थापालाई उपचारको लागि B&C अस्पताल, बिर्तामोड लगिएको थियो, जहाँ उपचारका क्रममा ६:५५ बजे चिकित्सकले उनलाई मृत घोषित गरे।
सवारी दुर्घटनामा संलग्न पिकअप चालक विशाल खवास (उमेर ३१ वर्ष), जो मेचीनगर नगरपालिका वडा नं. ८ का निवासी हुन्,लाई प्रहरीले नियन्त्रणमा लिइ अनुसन्धान सुरु गरेको छ। इलाका प्रहरी
कार्यालय झिलझिलेले थप अनुसन्धान प्रक्रिया जारी राखेको जनाएको छ।
