नीलोपाटी संवाददातानिशान निराैला
असाेज ५ ईलाम
इलामका कलाकार मुकेश गुरुङ र करिश्मा सुनुवारको मुख्य अभिनय रहेको नयाँ म्युजिक भिडियो ‘कसैको हुन सक्दिनँ’ सार्वजनिक भएको छ।
प्रेमकथामा आधारित यस म्युजिक भिडियोमा पुनम तामाङको स्वर, डी.पी. खनालको शब्द तथा शंकर थापा ‘स्माइल’को संगीत रहेको छ। भिडियोको निर्देशन हिकस राईले गरेका हुन्।
म्युजिक भिडियोमा मुकेश गुरुङ र करिश्मा सुनुवारले मुख्य भूमिका निर्वाह गरेका छन्। भिडियोको छायांकन सुन्दर तथा मनमोहक स्थानहरूमा गरिएको निर्माण पक्षले जनाएको छ।
प्रेम, भावना र सम्बन्धलाई केन्द्रमा राखिएको भिडियो दर्शकका लागि प्रस्तुत गरिएको हो। निर्माण पक्षले भिडियो हेरेर माया, साथ तथा प्रतिक्रिया दिनुका साथै सामाजिक सञ्जालमार्फत शेयर गरिदिन दर्शकहरूसँग आग्रह गरेको छ।
