नीलोपाटी संवाददाता
रातभरि संचालन गरेर लफडा गर्दै आएका बिर्तामोडका सबै डान्स बारहरुमा प्रहरीले सर्च अपरेशन गरेको छ ।
इलाका प्रहरी कार्यालय बिर्तामोडका डीएसपी सन्तोष पाठकको नेतृत्वमा खटिएको प्रहरी टोलीले तृष्णा , दुर्गा, डी डब्लु , नाइट लाइफ , लोटस , हाइप , जन्नत, गन्तव्यलगायत सबैडा न्स बारहरुमा सर्च अपरेशन गरेको हो । त्यसक्रममा करिव एक दर्जन पक्राउ परेका छन् ।
जन्नत र गन्तव्य बन्द रहेको जनाइएको छ ।अन्य डान्स बारहरु रातभरि संचालन भइरहेका थिए । डान्स बारहरुलाई राति ११ बजेसम्म संचालन गर्ने समय दिइएको छ । तर , बिर्तामोडका अधिकांश डान्स बारहरु रातभरि संचालन गर्ने गरेको पाइएको छ ।
बिर्तामोड प्रहरीको कमाण्ड सम्हाल्नेबित्तिकै डीएसपी पाठकले कडाई गर्न थालेका छन् । उनले कमाण्ड सम्हालेको तीन दिनमा बिर्तामोडका स्पा तथा मसाज सेन्टरहरुमा छापा मारी तीनजनालाई पक्राउ गरेका थिए
