नीलोपाटी संवाददाता
राज याक्खा, माङसेबुङ इलाम । १८ औ संस्करण आत्मानन्द गोल्डकप अन्तर्राष्ट्रिय फुटबल प्रतियोगिता आज भएको उद्घाटन खेलमा माङसेबुङ गाउँपालिका इलामलाई ३–० गोल अन्तरले पराजित गर्दै सिरिजङगा मोरङ सेमिफाइनलमा प्रवेश गरेको हो । इलामको माङसेबुङ ५, स्थित आत्मानन्द रंगशालामा भएको खेलमा सिरिजङगा मोरङको जितमा सञ्जय धिमालले ह्याट्रिक गरे । त्यस्तै माङसेबुङको लागि ओशन राईले एक गोल फर्काए । खेलको मेन अफ दी म्याच सिरिजङगा मोरङका सञ्जय धिमाल घोषित भए। फुटबल प्रतियोगिताको उद्घाटन माङसेबुङ गाउँपालिकाका अध्यक्ष हेमन्त राईले गरेका थिए। यसैगरी मिति २०८२/०८/०८ गते सोमबार दिउँसो २ बजे तिजोक यूवा क्लब पाँचथर र लेटाङ फुटबल क्लब मोरङ विच प्रतिस्पर्धा हुने आयोजक आत्म पवित्र खेलकुद समितिका अध्यक्ष मनप्रसाद आङबुहाङले जानकारी दिएका छन् । अध्यक्ष आङबुहाङका अनुसार प्रतियोगितामा आयोजक युथ अफ माङसेबुङ, माङसेबुङ गाउँपालिका इलाम, तिजोक यूवा क्लब पाँचथर, दुधे यूथ क्लब झापा, लेटाङ फुटबल क्लब मोरङ, सिरिजंगा स्पोर्टिङ क्लब मोरङ, दमक भाङबारी स्पोर्टिङ क्लब झापा र भारतबाट कञ्चनजंघा फुटबल क्लब सिलगुडी पाहुना टोलीको रुपमा सहभागी रहेको छ । विश्व शान्ति र मानव एकताका निम्ति फुटबल भन्ने नाराका साथ मुहिङगुम अङसीमाङ लिङदेन आत्मानन्द ‘सेइङ’ ७२औं जन्मोत्सव तथा मुहिङगुम अङसीमामाङ साँबा पवित्रहाङमा लिङदेन नुमाङगेन्ना सेवा महासमारोह २०८२ को अवसरमा आयोजित प्रतियोगिताको फाइनल खेल मंसिर १७ गते हुनेछ।
