नीलोपाटी संवाददाता
पाँचथर, [2081-10-17] – हाम्रो सहारा पाँचथर संस्थाले पाँचथरको दुर्गम तथा अन्तिम गाउँ बर्मेको श्री तिम्बु पोखरी प्रा.वि. मा शैक्षिक सामग्री वितरण गरेको छ। यस अवसरमा वडा अध्यक्ष, स्थानिय बासिन्दा, र विभिन्न राजनीतिक दलका प्रतिनिधिहरूको उपस्थितिमा ३० हजार मुल्य बराबरका सामग्रिहरू विद्यालयलाई प्रदान गरिएका छन्।
वितरण गरिएका सामग्रीमा झोला, वाइट बोर्ड, कापी, डट पेन, पेन्सिल, इरेजर, घडी, डसबिन र पानी फिल्टर लगायतका सामाग्री समावेश छन्।
सामाजिक र शैक्षिक क्षेत्रमा महत्वपूर्ण योगदान पुर्याइरहेको हाम्रो सहारा पाँचथर संस्थाका अध्यक्ष गजेन्द्र राईले आगामी दिनमा पनि यस्ता कार्यहरू जारी राख्ने प्रतिबद्धता व्यक्त गरे।
यस संस्थाले बिभिन्न विद्यालयहरूमा शैक्षिक सामग्री र सामाजिक कार्यहरू गर्दै आएको छ।
