नीलोपाटी संवाददाता
झापा – झापा गाउँपालिका वडा नं २ स्थित काली मन्दिरमा आज एकजना ५३ वर्षीय पुरुषको मृत शरीर फेला परेको छ। मृतकको पहिचान जंगबहादुर राजवंशीको रूपमा भएको छ, जो स्थानीय चिया बगानमा काम गर्दै आएका थिए।
बिहान पूजा गर्न मन्दिरमा पुगेका चौकीदार विनोद मण्डलले राजवंशीलाई मृत अवस्थामा देखेपछि तुरुन्तै इलाका प्रहरी कार्यालय कुमरखोदलाई जानकारी गराएका थिए। घटनाको जानकारी पाएपछि प्रहरी टोली घटनास्थलमा पुगेको छ।
वडा नं २ का अध्यक्ष हिमालकुमार चम्लागाईले मृतक राजवंशीको मानसिक सन्तुलन ठिक नभएको जानकारी दिए। उनका अनुसार, राजवंशी आफ्नो जीवन यापनका लागि गाउँघरमा मागेर गुजारा गर्दै आएका थिए।
राजवंशीको स्थायी घर बाह्रदशी गाउँपालिका वडा नं २ रहेको बताइएको छ, र उनीसँग तीन छोरा, दुई छोरी र एक श्रीमती छन्। उनले झापा गाउँपालिका वडा नं २ स्थित बालुवाटारमा १ कठ्ठा जग्गा समेत रहेको जानकारी प्राप्त भएको छ।
प्रहरीले घटनाको अनुसन्धान थालेको छ,
