नीलोपाटी संवाददाता
राज याक्खा,
इलामको माङसेबुङमा जारी १८औँ आत्मानन्द आमन्त्रित गोल्डकप २०८२को दोस्रो दिन लेटाङ फुटबल क्लब र तीजोक युवा क्लबबीच भएको खेल निर्धारित समयमा ०–० गोलको बराबरीमा सकिएको छ। खेल अत्यन्त प्रतिस्पर्धात्मक रहँदै पेनाल्टी सुटआउटमा पुगेको थियो। पेनाल्टीमा लेटाङ फुटबल क्लबले तीजोक युवा क्लबलाई ५–४ गोलको अन्तरले पराजित गर्दै प्रतियोगिताको अर्को चरणमा प्रवेश गरेको हो।
पछिल्लो वर्ष उपविजेता बनेको तीजोक युवा क्लब यसपटक दोस्रो दिनमै बाहिरिएको छ। लेटाङका गोलकिपर समीर क्षेत्रीले पेनाल्टीमा गरेको उत्कृष्ट बचाउका कारण आजको ‘म्यान अफ द म्याच’ घोषित भए।
समग्रमा ८ टिम सहभागी रहेको यो प्रतियोगिताको विजेताले रु. ३,०११,१७२ पाउने छन् भने उपविजेताले रु. २११,१७२ प्राप्त गर्ने छन्।
