नीलोपाटी संवाददाता
सुरेन्द्र खरेल, मिति: २०८१-१०-२८
पॉँचथर– याङवरक गाउपालिका १ च्याङथापु नजिकै गौंथीली भीरमा भएको ट्याक्टर दुर्घटनामा एक जनाको निधन भएको छ।
सोमबार बिहान करिब साढे चार बजे, तिमतिम्बु देखि च्याङथापु बजारतर्फ आउँदै गरेको मे १ त ६८९४ नम्बरको ट्याक्टर अनियन्त्रित भएर दुर्घटना भएको जिल्ला प्रहरी कार्यालय, पॉचथरले जनाएको छ।
दुर्घटनामा याङवरक १ टिम्बुरे घर भएका २७ वर्षीय चालक दिनेश चौहानको घटनास्थलमै ज्यान गएको हो। ट्याक्टर सडकदेखि दुई सय मिटर तल खसेको छ।
घटनाबारे जानकारी प्राप्त हुनासाथ, जिल्ला प्रहरी कार्यालय पॉचथर र इलाका प्रहरी चौकी च्याङथापुबाट गएको टोलीले घटनास्थलमा अध्ययन गरी प्रकृति मुचुल्का तयार गरिरहेको र शव पोष्टमार्टमका लागि जिल्ला प्रहरी कार्यालय ल्याउने तयारी गरिएको डिएसपी कौशलकुमार बुडाथोकीले जानकारी दिए।
फोटो:– पॉचथरको याङवरक १ च्याङथापुमा दुर्घटनामा परेको ट्याक्टर।
